Lehenik eta behin, jakin behar duzu ez ditugula hornitzaileak homologatzen, zerbitzuak baizik; hortaz, 5 gauza ongi egiten badituzu, 5 gauza horietan homologatu ahal izango zara, eta Guneak zerbitzu horiek eskainiko dizkie laguntza aditua behar duten enpresei.

Homologatutako zerbitzu guztiak leku bakar batean bateratuko ditugu. Leku hori antolatuta eta kategorizatuta egongo da eta irisgarria izango da, enpresek zerbitzu horiek aurkitu eta eska ditzaten.

Enpresa batek Gunean eskuragarri dagoen zerbitzu profesional bat (beraz, homologatua) eskatzen duenean, eskaintza eta eskaera bateratzeko prozesua jartzen dugu abian. Zerbitzu bat eskaintzen duen hornitzaile bat baino gehiago dagoenean, enpresak hautatzen du hornitzailea.

zure zerbitzu digitala homologatzeko funtsezko 4 alderdi

Zerbitzuak homologatu nahi badira, abiapuntuko betekizun batzuk bete behar dira. Lehen urratsa da, dokumentazioa prestatzen hasi aurretik, betekizun horiek betetzen dituzula ziurtatzea.

Prozesuak proposatzen duzun zerbitzua behar bezala baloratzeko aukera emango duten zenbait dokumentu aurkeztea eskatzen dizu. Puntu hori funtsezkoa denez gero, argitasuna eta xehetasuna eskatzen dizugu.

Guneak zerbitzua onartzen badu, zerbitzua egitearekin lotzen diren zenbait konpromiso hartzen dituzu. Konpromiso horiek lotzen dira zerbitzuaren kalitatea bermatzearekin eta bezeroaren, Gunearen eta hornitzailearen arteko komunikazioarekin.

Homologazioa urtebeterako egiten da; horrenbestez, homologazioarekin jarraitu nahi baduzu, berritu dadin eskatu beharko duzu. Era berean, urtearen barruan zerbitzua aldatzen bada, homologazioa eguneratzeko prozedura bete beharko duzu.